22. ಕತ್ತಲಂಚಿನ ಕಿಡಿಗಳು


ವಿಶ್ವವೇ ಅಂತರ ರಾಷ್ಟ್ರೀಯ ಮಹಿಳಾ ದಿನದ ಶತಮಾನೋತ್ಸವ ಆಚರಿಸುತ್ತಿರುವ ಈ ವರ್ಷದಲ್ಲಿ ಮಹಿಳಾ ಪರ ಚಿಂತನೆಯ ಪುಸ್ತಕಗಳನ್ನು ಹೊರತರುವ ಆಶಯ ಹೊತ್ತ  ಚಿಂತನ ಪುಸ್ತಕಕ್ಕೆ ನೆರವಾದವರು ಮೀನಾಕ್ಷಿ ಬಾಳಿ ಹಾಗೂ ಜನವಾದಿ ಮಹಿಳಾ ಸಂಘಟನೆ. ಮೀನಾಕ್ಷಿಯವರು ಮಹಿಳಾ ಪರ ಚಿಂತನೆಯ ತಮ್ಮ ಬಿಡಿ ಲೇಖನಗಳ, ಅಂಕಣ ಬರಹಗಳ ರಾಶಿಯನ್ನೇ ನಮ್ಮ ಮುಂದಿಟ್ಟರು. ಅದರಲ್ಲಿ ಕೆಲವನ್ನು ಆರಿಸಿ ಎರಡು ಪುಸ್ತಕಗಳನ್ನು ಪ್ರಕಟಿಸಿದೆವು. ಈ ಪುಸ್ತಕಗಳ ಬಿಡುಗಡೆಯು ಲೇಖಕರ ಆಸೆಯಂತೆ `ಜನವಾದಿ ಮಹಿಳಾ ಸಂಘಟನೆ’ಯ 7ನೇ ರಾಜ್ಯ ಸಮ್ಮೇಳನದ ಸಂದರ್ಭ(28-08-2010)ದಲ್ಲಿ ಬಿಡುಗಡೆ ಮಾಡಲಾಯಿತು.

ನಮ್ಮ `ಮನದ ಸೂತಕ ಹಿಂಗಿದೊಡೆ’ ಹಾಗೂ `ಕತ್ತಲಂಚಿನ ಕಿಡಿಗಳು’ ಪುಸ್ತಕಗಳೊಂದಿಗೆ ಇನ್ನೊಬ್ಬ ಮಹಿಳಾ ಪರ ಚಿಂತಕಿಯ `ಆಕಾಶಧಾರೆ’ ಪುಸ್ತಕವೂ ಆ ಸಂದರ್ಭದಲ್ಲಿ  ಬಿಡುಗಡೆಗೊಂಡಿತು.

ಈ ಪುಸ್ತಕಗಳನ್ನು ಪ್ರಗತಿಪರ ಚಿಂತಕಿ, ಲೇಖಕಿ ಕೆ. ಷರೀಫಾ ಅವರು ಬಿಡುಗಡೆ ಮಾಡುತ್ತಾ `ಮಹಿಳಾ ಚಳುವಳಿಗಾರ್ತಿಯರು ಬರೆಯುವುದಕ್ಕೂ ಬೇರೆಯವರು ಬರೆಯುವುದಕ್ಕೂ ಬಹಳ ವ್ಯತ್ಯಾಸವಿದೆ. ಮೀನಾಕ್ಷಿ ಬಾಳಿಯಾಗಲಿ ಶಾಂತಾ ಮಠ್ ಅವರ ಬರಹಗಳು ವಾಸ್ತವತೆಯ ಗಟ್ಟಿತನ ಪಡೆದವುಗಳು’ ಎಂದರು. ಶಾಂತಾ ಮಠ್ ಅವರ `ಆಕಾಶಧಾರೆ’ ಗುಲ್ಬರ್ಗಾ ಟಿ.ವಿ.ಯಲ್ಲಿ ಪ್ರಸಾರವಾದ ೫ ನಿಮಿಷಗಳ ಚಿಂತನ ಮಾಲೆ. ನೇರ, ಸ್ಪಷ್ಟ, ದಿಟ್ಟ ಬರಹ. ಎಷ್ಟೋ ಕೃತಿಗಳು ಏನು ಬೇಕೋ ಅದನ್ನು ಹೇಳದೆ ಗೊಂದಲದ ಗೂಡಾಗಿರುತ್ತದೆ. ಇದು ಹಾಗಿಲ್ಲದಿರುವುದಕ್ಕೆ ಶಾಂತಾ ಅವರು ಜನವಾದಿ ಚಳುವಳಿಯಲ್ಲಿ ತೊಡಗಿಕೊಂಡಿರುವುದೇ ಕಾರಣ. ಎಂದರು.

ಪುಸ್ತಕದ ಬಗ್ಗೆ ಮಾತನಾಡುವ ಜವಾಬ್ದಾರಿ ಹೊತ್ತ ಬೆಂಗಳೂರು ವಿಶ್ವ ವಿದ್ಯಾಲಯದ ಇತಿಹಾಸ ಪ್ರಾಧ್ಯಾಪಕಿ ಡಾ. ವಸು ಅವರು `ಹೆಣ್ಣು-ಗಂಡು’ ಎನ್ನುವ ಲಿಂಗ ತಾರತಮ್ಯ ಮೀರಿ ಮಹಿಳಾ ಲೇಖಕಿಯರ ವೈಚಾರಿಕ ಬರಹಗಳನ್ನೂ ಸಹ ಮುದ್ದಾಗಿ ಹೊರತಂದ `ಚಿಂತನ ಪುಸ್ತಕ’ ವನ್ನು “ಕನ್ನಡ ನಾಡಿನ ಮುಖ್ಯ ಪ್ರಕಾಶಕರಲ್ಲಿ ಚಿಂತನ ಪುಸ್ತಕವೂ ಒಂದು. ಪುಸ್ತಕ ಪ್ರಕಾಶನದ ಇಂದಿನ ದಂಧೆಯ ನಡುವೆ ಮೌಲ್ಯಯುತವಾದ ಪುಸ್ತಕಗಳನ್ನು ತರುತ್ತಿರುವ ಕನ್ನಡದ ಕೆಲವೇ ಕೆಲವು ಪ್ರಕಾಶನಗಳಲ್ಲಿ ಇದು ಒಂದು. ಬಹುತೇಕ `ಚಿಂತನ ಪುಸ್ತಕ’ದಿಂದ ಬರುವ ಬಹುತೇಕ ಎಲ್ಲಾ ಕೃತಿಗಳು ಪ್ರೊಗ್ರೆಸಿವ್ ಲೇಖಕರಿಂದ ಬರುತ್ತಿವೆ. ಪ್ರಗತಿಪರ, ಹೋರಾಟಗಾರರ, ಚಳುವಳಿಗಾರರ ಪುಸ್ತಕವನ್ನು ಅವರು ತರುತ್ತಿದ್ದಾರೆ” ಎಂದರು.

`ಕನ್ನಡದಲ್ಲಿ ಮಹಿಳಾ ಬರಹಕ್ಕೆ ಇತಿಹಾಸ ಇಲ್ಲ ಎಂದೇ ಎನ್ನಬಹುದು. ಅಕ್ಕ ಮುಂತಾದ ವಚನಕಾರ್ತಿಯರ ಉದಾಹರಣೆ 12ನೇ ಶತಮಾನದಲ್ಲಿ ಕಂಡು ಬಂದರೆ ನಂತರದ ದೊಡ್ಡ ಗ್ಯಾಪ್ ನ ನಂತರ 20 ನೇ ಶತಮಾನದ ತಿರುಮಲಾಂಬಾ, ಕಲ್ಯಾಣಮ್ಮನನ್ನಷ್ಟೇ ನಾವು ಗುರುತಿಸಬಹುದು. ಆದ್ದರಿಂದ ಕನ್ನಡತಿಯರಾದ ಎರಡು ಸಾವಿರ ವರ್ಷ ನಾವು ಓದದಿದ್ದರೇನು. ನಾವು ಓದಲು ಪ್ರಾರಂಭಿಸಿದ್ದೇ ಆಧುನಿಕ ಕಾಲದ ಆಧುನಿಕ ಚಿಂತನೆಯಿಂದ ಎಂದು ನಾವು ಹೆಮ್ಮೆಯಿಂದ ಹೇಳಿಕೊಳ್ಳಬಹುದು. ಆದುನಿಕ ಚಿಂತನೆಯ ಪರಂಪರೆಯಿಂದ ಬಂದ ಲೇಖಕಿಯಾಗಿ ನನಗೆ ಬಾಳಿಯವರು ಕಾಣುತ್ತಾರೆ. ಲೇಖಕಿಯರದು ಬರಿಯ ಅಡುಗೆ ಮನೆ ಸಾಹಿತ್ಯ ಎಂದು ಮೂದಲಿಕೆಗೆ ಒಳಗಾಗಿರುವಾಗ ಬಾಳಿಯವರು ಲೇಖಕಿಯರು ವೈಚಾರಿಕ ಬರಹಕ್ಕೂ ಸೈ ಎನ್ನುವಂತೆ ಕಾಣುತ್ತಾರೆ. ಇಲ್ಲಿನ ಬರಹಗಳಲ್ಲಿ ರಾಜಕೀಯ ವಿಶ್ಲೇಷಣೆಯಿದೆ ಹಾಗೇ ಅದರ ಹಿಂದೆ ಸೈದ್ಧಾಂತಿಕವಾದ ಕಮಿಟ್ ಮೆಂಟ್ ಇದೆ. ಚಳುವಳಿ ಅವರನ್ನು ಬರಹಗಾರ್ತಿಯನ್ನಾಗಿ ಮಾಡಿದೆ.

ಚರಿತ್ರೆಯ ಹಿನ್ನೆಲೆಯಿಂದ ಬಂದಿರುವ ವ್ಯಕ್ತಿಯಾದ ನಾನು ಅವರ ಮೊದಲ ಕತೆ ನನಗೆ ತುಂಬಾ ಇಷ್ಟವಾಯಿತು. ನನಗೆ ಆ ಕತೆಯನ್ನು ಓದಿ ಮುಗಿಸಿದಾಗ ಒಂದು ವಿಚಾರ ಮನಸ್ಸಿಗೆ ಬಂತು. ಅದೇನೆಂದರೆ ಕನ್ನಡದಲ್ಲಿ ಸಿನೆಮಾ ತೆಗೆಯುವಾಗ ಕನ್ನಡದಲ್ಲಿ ಕತೆಗಳೇ ಇಲ್ಲವೆಂಬಂತೆ ಬರಿಯ ಹಳಸಲು ಕತೆಗಳನ್ನೇ ಹೊಸದೇನೋ ಎಂಬಂತೆ ತೆಗೆಯುತ್ತಾರೆ. ಆದರೆ ಬಾಳಿಯವರ ಅಂಕಣ ಬರಹದಲ್ಲಿ ಬರುವ ಹೆಣ್ಣುಗಳ ಕತೆಗಳು ಅವರ ಕಣ್ಣಿಗೆ ಬಿದ್ದಿಲ್ಲವೇನೋ ಎಂಬಂತಿವೆ. ಹಸಿ ಹಸಿಯಾದ ಐತಿಹಾಸಿಕ ಸತ್ಯದ ಹಿನ್ನೆಲೆಯಲ್ಲಿ ಬರೆದ ಅಂಕಣಗಳು ಇವಾಗಿರುವುದರಿಂದ ಇವಕ್ಕೆ ಈ ಗುಣ ಬಂದಿದೆ ಎನ್ನಬಹುದು. ಇಲ್ಲಿ ಕತೆಗಳು ಮಾತ್ರಾ ಹೆಣ್ಣಿನ ಕುರಿತಾಗಿ ಅಲ್ಲ,  ಕತೆಯ ವಿಚಾರವೂ ಹೆಣ್ಣಿನದಾಗಿದೆ ಎಂಬುದು ಗಮನಾರ್ಹ. ಬಹಳ ಪ್ರಸಿದ್ಧನಾದ ಒಬ್ಬ ತತ್ವಪದಕಾರನ ಜೊತೆಗೆ ಸಂಬಂಧವನ್ನು ಹೊಂದಿದಂತಹ ಒಬ್ಬಳು ಗಾಯಕಿಯ ಕುಂಬಾರ ರಾಚವ್ವನ ವಿಷಯ ಇದು. ಕರ್ನಾಟಕದ ಕನ್ನಡದ ಮಹಿಳಾ ಪರಂಪರೆಯನ್ನು ಬರೆಯುವಾಗ, ಅವಳ ಚರಿತ್ರೆಯನ್ನು ಕಟ್ಟಿಕೊಡುವಾಗ ಎಲ್ಲೂ ದಾಖಲೆಗಳೇ ಇಲ್ಲ ಎಂದು ನಾವು ಅಳುತ್ತಿರುವಾಗ ಅಲ್ಲಿಗೆ ಸೃಷ್ಟಿಯಾಗಬಹುದಾದ ಒಂದು ದೊಡ್ಡ ಸೋರ್ಸ್ ಆಗಿ ಇದು ಕಾಣಿಸುತ್ತದೆ. ಮೌಖಿಕ ಪರಂಪರೆಯನ್ನು ಬಳಸಿಕೊಂಡು ಅದನ್ನು ಲೇಖನವಾಗಿ ಬರೆಯುವಂತಹ ಹಿಡಿದಿಡುವಂತಹ ಕಲೆಗಾರಿಕೆ ಈ ಬರಹಗಳಲ್ಲಿದೆ. ಇಂದಿರಾ ಗಾಂಧಿಯವರ, ಕ್ಯಾಪ್ಟನ್ ಲಕ್ಷ್ಮೀ ಸೈಗಲ್ ಅವರ ಜೀವನ ಚರಿತ್ರೆಯನ್ನು ಬರೆಯುವುದು ಎಷ್ಟು ಮುಖ್ಯವೋ ಕುಂಬಾರ ರಾಚವ್ವನ ಜೀವನ ಚರಿತ್ರೆಯನ್ನು ಬರೆಯುವುದು ಅಷ್ಟೇ ಮುಖ್ಯ. ಇಂತಹ ಬರಹಗಳು ಚಾರಿತ್ರಿಕ ಬರಹಗಳೂ ಆಗಿವೆ.

ಮಹಿಳಾ ಚಳುವಳಿಯನ್ನೇ ಬದುಕಾಗಿಸಿಕೊಂಡಿರುವ ಇವರ ಬರಹ ಆ ಬದುಕಿಗಿಂತ ದೂರವಾಗಿಲ್ಲ. ಅದರ ಒಂದೊಂದು ತುಣುಕೂ ಕೂಡ ಅವರ ಹೋರಾಟದ ಭಾಗ ಹೋರಾಟದ ಅನುಭವವೇ ಆಗಿದೆ. ಆ ಬರಹಗಳನ್ನು ಓದಿದ್ರೆ ಇದು ಯಾವುದೇ ಅಪರಿಚಿತ ಲೋಕದಿಂದ ಬಂದಂತೆ ಅನಿಸುವುದಿಲ್ಲ. ಯಾವುದೋ ಶೈಕ್ಷಣಿಕ ವಿಶ್ವವಿದ್ಯಾಲಯದಲ್ಲಿ ಕುಳಿತು ಯಾರಿಗೂ ಅರ್ಥವಾಗದೇ ಇರುವ ರೀತಿಯ ಬರಹ ಇದರಲ್ಲಿ ಒಂದೇ ಒಂದು ಇಲ್ಲ. ಅಪ್ಪಟವಾಗಿ ಅವರು ಏನು ನಂಬಿಕೊಂಡಿದ್ದಾರೆ, ಏನು ಹೇಳ್ತಾರೆ, ಹೇಗೆ ನಡಕೊಳ್ತಾರೆ ಅದಕ್ಕೂ ಅವರ ಬರಹಕ್ಕೂ ಸಣ್ಣ ವ್ಯತ್ಯಾಸ ಸಹ ನಮಗೆ ಕಾಣುವುದಿಲ್ಲ.

ಹೀಗೆ ದೀರ್ಘವಾಗಿ ಪುಸ್ತಕಗಳ ವಿಮರ್ಶೆ ಪ್ರೇಕ್ಷಕರ ಮನಗೆದ್ದದ್ದಂತೂ ನಿಜ.

ಡಾ. ಶಾಂತಾಮಠ್ ಅವರು ತಮ್ಮ ಕೃತಿಯ ಕುರಿತು ಕೆಲವು ಮಾತನಾಡಿದರು. ಹಾಗೇ ಮೀನಾಕ್ಷ ಬಾಳಿಯವರು ಆಡಿದ ಮಾತು ಡಾ.ವಸು ಅವರು ಹೇಳಿದಂತೆ ಅವರು ಹೇಳುವ ಒಂದೊಂದು ಕತೆಯಲ್ಲಿ ಮಹಿಳೆ ಇಲ್ಲದಿದ್ದರೂ ಕತೆಯ ವಿಚಾರ ಹೆಣ್ಣಿನದಾಗಿರುತ್ತದೆ ಅನ್ನುವ ವಿಷಯನ್ನು ದೃಢೀಕರಿಸುವಂತೆ ತಾನು ಡಾ.ಮೀನಾಕ್ಷಿ ಅಲ್ಲ, ಸಿದ್ದಪ್ಪನ ಮಗಳು ಮೀನಾಕ್ಷಿ ಅಲ್ಲ ತಾನು ಜನವಾದಿ ಮಹಿಳಾ ಸಂಘಟನೆಯ ಮಹಿಳಾ ಚಳುವಳಿಯ ಮೀನಾಕ್ಷಿ ಎಂದು ಹೇಳಲು ಹೊರಟು ಹೇಳಿದ ಉದಾಹರಣೆಯಾಗಿ ಉದ್ದರಿಸಿದ ಕುವೆಂಪು ಕತೆಯಲ್ಲೂ ಮಹಿಳಾ ವಿಚಾರವೇ ನುಸುಳಿತ್ತು. ಒಬ್ಬಾತ ಎಂಥಹ ಬರಹಗಾರನೇ ಆಗಲಿ, ಲೇಖಕನೇ ಆಗಲಿ, ಎಂಥೆಂಥ ಪ್ರಶಸ್ತಿಗಳನ್ನು ಹೊಂದಿದವನೇ ಆಗಲಿ ತನ್ನ ಹೆಂಡತಿಯ ಗಂಡನಾಗಿ ಸರಿಯಾಗಿ ನಡೆದುಕೊಂಡರೆ ಮಾತ್ರಾ ಸ್ವರ್ಗದಲ್ಲಿ ಜಾಗವಿರುತ್ತದೆ ಎಂಬರ್ಥವನ್ನು ಕೊಡುವ ಕುವೆಂಪು ಅವರ ಹೇಮೀ ಗಂಡ ಕವನವನ್ನು ಉದ್ದರಿಸಿದರು.
“ಹೊತ್ತಿಗೆ ನುಚ್ಚಿಲ್ಲ, ಹುಗ್ಗಿಗೆಲ್ಯಾದ ಬೆಲ್ಲ, ಸುಳ್ಳಂತ ಬರೀಲ್ಯಾಕ, ಸಿಟ್ಟೀಗೆ ಬರಲ್ಯಾಕ, ಬಿಟ್ಟೀಗೆ ಬಂತ್ಯೇನೋ ದೌತಿ ಲೆಕ್ಕಣಿಕೆ.” ಎನ್ನುವ ಕಡಕೋಳ ಮಂಜಪ್ಪ ಅವರ ಮಾತನ್ನು ಉದ್ದರಿಸುತ್ತಾ ನನ್ನ ದೌತಿ, ನನ್ನ ಲೆಕ್ಕಣಿಕೆ ಪುಗಸಟ್ಟೀ ಬಂದಿಲ್ಲ. ಸುಳ್ಳ ಸುಳ್ಳ ನಾ ಬರೆಯಲ್ಲ. ಬರೆಯೋದಾದ್ರೆ ಖರೆ ಖರೆ ಬರೀತೀನಿ ಇಲ್ಲಾಂದ್ರೆ ಬರೀಲಾರದೇ ಕುಂತ್ಕೊಂಡಿರತೀನಿ. ಇಲ್ಲೀ ತನ್ಕ ಬರೆದೋರೆಲ್ಲಾ ಸುಳ್ಳು ಬರೆದಿದ್ರು. ಏನು ಬರೆದಿದ್ರು, ಒಂದು ಕಾಮಧೇನು ಅದ. ಎದುರು ನಿಂತ್ರ ಎಲ್ಲಾ ಕೊಡತದ. ಒಂದು ಕಲ್ಪವೃಕ್ಷ ಅದ ಎದುರ ನಿಂತ್ರ ಎಲ್ಲಾ ಕೊಡತದ. ಅದರ ಎದುರಿಗೀ ನಿಂತು ಬಾಯರಿಕೆ ಕೊಡು ಅಂದ್ರ ಕೊಡತದ. ರೊಕ್ಕಾ ಕೊಡು ಅಂದ್ರ ಕೊಡತದ. ಎಂ.ಪಿ.3 ಕೊಡು ಅಂದ್ರ ಕೊಡತದ ಅಂತ ಬರದ್ರು. ಸುಳ್ಳ ಬರದ್ರು ಅವ್ರು. ” ಎಂದು ಮಾರ್ಮಿಕವಾಗಿ ಹೇಳಿದರು.

ಸಮಾರಂಭದ ಅಧ್ಯಕ್ಷ ಸ್ಥಾನದಿಂದ ಜನವಾದ ಮಹಿಳಾ ಸಂಘಟನೆಯ ನಾಯಕಿ, ಲೇಖಕಿ ಕೆ. ನೀಲಾ ಅವರು `ಹೆಣ್ಣಿನ ಕೈ ಬೆರಳು ನೈಲ್ ಪಾಲೀಷ್ ಹಾಕಿಕೊಳ್ಳಲು, ಉಂಗುರ ತೊಡಲು ಮಾತ್ರವಲ್ಲ ಅದು ನೊಂದವರ ಕಣ್ಣೀರು ಒರೆಸುವುದಕ್ಕೆ ಬಳಕೆಯಾಗಬೇಕು ಎಂಬುದು ಒಟ್ಟಾರೆ ಸಾಹಿತ್ಯ ಮತ್ತು ಚಳುವಳಿಯ ಆಶಯವಾಗಿರಬೇಕು ಎಂದರು.

ಎನ್. ಪ್ರಭಾ ವೇದಿಕೆಗೆ ಬರಹಗಾರ್ತಿಯರು ಹಾಗೂ ಅತಿಥಿಗಳನ್ನು ಬರಮಾಡಿಕೊಂಡರೆ ಕೋದಂಡ ರಾಮ್ ಅವರನ್ನು ಸ್ವಾಗತಿಸಿ ಮಾತನಾಡಿದರು. ಚಿಂತನ ಪುಸ್ತಕದ ಜಯರಾಮು ಎಂ. ಅವರು ಚಿಂತನ ಪುಸ್ತಕದ ವಾಡಿಕೆಯಂತೆ ವೇದಿಕೆಯಲ್ಲಿ ಇದ್ದವರಿಗೆ ಪುಸ್ತಕ ಗುಚ್ಛ (ವಾಡಿಕೆಯ ಹೂ ಗುಚ್ಛದ ಬದಲಿಗೆ) ನೀಡಿ ಗೌರವಿಸಿದರು. ಚಿಂತನ ಪುಸ್ತಕದ ಶ್ರೀಮತಿ ಅವರ ಧನ್ಯವಾದ ಸಮರ್ಪಣೆಯೊಂದಿಗೆ ಸಮಾರಂಭ ಮುಗಿಯಿತು.

ಸಮಾರಂಭದಲ್ಲಿ ಬಿಡುಗಡೆಯಾದ ಪುಸ್ತಕಗಳು
ಮನದ ಸೂತಕ ಹಿಂಗಿದೊಡೆ (ಮಹಿಳಾಪರ ಹುಡುಕಾಟ) – ಡಾ.ಮೀನಾಕ್ಷಿ ಬಾಳಿ,
ಕತ್ತಲಂಚಿನ ಕಿಡಿಗಳು : ಡಾ.ಮೀನಾಕ್ಷಿ ಬಾಳಿ
ಆಕಾಶ ಧಾರೆ : ಡಾ. ಶಾಂತಾ ಮಠ

ಮಲೆನಾಡಿನ ಬೆಳಕಿರದ ಕತ್ತಲ ರಾತ್ರಿಯಲ್ಲಿ ರಸ್ತೆಯಂಚಿನ ಮರಗಳ ಮೇಲೆಲ್ಲ ಮಿಣ ಮಿಣ ಬೆಳಗಿ ನೂರಾರು ದೀಪಗಳನ್ನು ಒಮ್ಮೆಲೇ ಬೆಳಗಿದಂತೆ ಭಾಸವಾಗುವ  ಮಿಂಚುಳ್ಳಿ (ನಮ್ಮ ಭಾಷೆಯಲ್ಲಿ ಮೀನುಂಬಳ್ಳಿ)ಗಳ ನೆನಪಿಗೆ ನಾನು ಸರಿದೆ. ಗೆಳತಿ ಮೀನಾಕ್ಷಿ ಬಾಳಿಯವರು ಪರಿಚಯಿಸಿದ ಕುಂಬಾರ ರಾಚವ್ವ, ಐಗೋಳ ಗುರುಬಾಯಿ   ಅಜೀಬ್ ತಮಾಷ್ಯಾದ ಪೋರಿಯರು ಮಹಿಳಾ ಪ್ರಶ್ನೆಗಳ ಕುರಿತು ಅಧ್ಯಯನ ಮಾಡಿದವರಲ್ಲ. ಭಾಷಣಗಳನ್ನು ಕೇಳಿದವರಲ್ಲ. ನಿಜ ಅಂದ್ರೆ ಪ್ರಪಂಚದಲ್ಲಿ ಇಂಥದ್ದೊಂದು ಇದೆ ಎಂದೂ ಗೊತ್ತಿರದ ಜೀವಗಳು. ಅವರ ಬದುಕ ಬಟ್ಟಲಿನಲ್ಲಿ ಸಿಕ್ಕಿದ್ದು, ಅದನ್ನು ತಮ್ಮದೇ ರೀತಿಯಲ್ಲಿ ದಕ್ಕಿಸಿಕೊಂಡು ವೈಯಕ್ತಿಕ ಹಕ್ಕು ಸ್ಥಾಪಿಸಿಕೊಂಡವರು. ಲೈಂಗಿಕ ಸ್ವಾತಂತ್ರ್ಯ ಅಥವಾ ಲೈಂಗಿಕತೆಯ ಬಗ್ಗೆ ಯದ್ವಾ-ತದ್ವಾ ಅಭಿಪ್ರಾಯಗಳು ಹರಡುತ್ತಿರುವ ಈ ಸಂದರ್ಭದಲ್ಲಿ ಈ ಕೃತಿಯ ನಾಯಕಿಯರೆಲ್ಲ ಒಂದು ರೀತಿ ಉತ್ತರಗಳೇ ಆಗಿವೆ.
ಸದ್ದಿಲ್ಲದೇ ಸರಿದು ಹೋದ ಸಿದ್ದಿಯರನ್ನು ಸುದ್ದಿಗೆ ತಂದ ಮೀನಕ್ಕನವರ ಬರಹಗಳು ಪುಸ್ತಕದ ರೂಪದಲ್ಲಿ ಪ್ರಕಟವಾಗುವುದಕ್ಕೆ ಇದು ಸಕಾಲ. ನಿಸರ್ಗ ಸಹಜ ಸಂಗತಿಗಳು ಈ ಹಿಂದೆಯೂ ನಡೆದಿವೆ. ಈಗಲೂ, ಮುಂದೂ ನಡೆಯುತ್ತಿರುವವೇ. ಅವುಗಳನ್ನು ಬಣ್ಣದ ಕನ್ನಡಕ ಹಾಕಿ ನೋಡಿ, ತಮ್ಮ ಮನಸ್ಸಿನ ಕೊಳಕೆಲ್ಲವನ್ನೂ ಶಾಯಿಯಾಗಿ ತುಂಬಿಸಿ ಬರಹಕ್ಕಿಳಿಸಿ ಅದನ್ನೇ ಶ್ರೇಷ್ಠವೆಂದು ಹೊಗಳಿಸಿಕೊಳ್ಳುತ್ತಿರುವವರಿಗೆ ಕುಂಬಾರ ರಾಚವ್ವ, ಐಗೋಳ ಗುರುಬಾಯಿ ಉತ್ತರವಾಗುತ್ತಾರೆ.
ಕುಂಬಾರ ರಾಚವ್ವನ ಮೂಲಕ ಈ ನೆಲದ ಬೆಳಕಿಗೆ ಬಾರದ, ಆದರೂ  ಇಡೀ ಪ್ರಪಂಚಕ್ಕೇ  ಗೊತ್ತಿರುವ ಮುಗ್ಧ ಹೆಣ್ಣು ಮಕ್ಕಳ ಬದುಕನ್ನು ಲೇಖಕಿ ಬಿಚ್ಚಿಡುತ್ತಾರೆ.
ಯೌವನದ ದೇಹದ ಬಯಕೆಯೋ, ಪರಿಸ್ಥಿತಿಯ ಕೈಗೊಂಬೆಯೋ, ಬದುಕಿಗಾಗಿ  ಅನಿವಾರ್ಯ ಸಮ್ಮತಿಯೋ ಒಟ್ಟಿನಲ್ಲಿ ಮಲ್ಲಪ್ಪನ ಪ್ರೇಯಸಿಯಾಗಿ ಬದುಕು ನಡೆಸಿದ ರಾಚವ್ವ, ಅದರಿಂದಾಚೆಗೆ ಅಸ್ತಿತ್ವ ಗುರುತಿಸಿಕೊಳ್ಳುವ ಅವಕಾಶ ಸಿಕ್ಕಾಗ ತಾನೇ ತಾನಾಗಿ ಅತ್ತ ನಡೆಯುವ ಮೂಲಕ ವ್ಯಕ್ತಿ ಸ್ವಾತಂತ್ರ್ಯದ ಸಂಕೇತವೆನಿಸುತ್ತಾಳೆ.
ಐಗೋಳ ಗುರುಬಾಯಿ ಶಿಕ್ಷೆ ತನಗೆ ಮಾತ್ರ ಏಕೆ? ನನಗೆ ಮಠ ಬಿಡಿಸಬೇಕಂದ್ರ ಸ್ವಾಮೀನ ಹೊರಗ ಹಾಕ್ಲಿ, ಯಾಕ ಅಂವ ಹಾದರ ಮಾಡಿಲ್ಲ . . . ಎನ್ನುವ ಮೂಲಕ ಪ್ರಚಲಿತವಿರುವ ಗಂಡಿಗೊಂದು ನ್ಯಾಯ, ಹೆಣ್ಣಿಗೊಂದು ನ್ಯಾಯದ ವಿರುದ್ಧದ ಪ್ರತಿಭಟನೆಯಾಗುತ್ತಾಳೆ. ಐಗೋಳ ಗುರುಬಾಯಿ ಮಾತ್ರವಲ್ಲ, ಇಂದಿಗೂ ಆಗಾಗ ವೇಶ್ಯಾವಾಟಿಕೆಯ ಜಾಲವನ್ನು ಬೇಧಿಸಿದೆವೆಂದು ಸುದ್ದಿ ಮಾಡುವಾಗ ಸಾಮಾನ್ಯವಾಗಿ ತೋರಿಸುವುದು ಅಲ್ಲಿದ್ದ ಮಹಿಳೆಯರನ್ನು ಮಾತ್ರ. ಸಮಾಜದ ಈ ಧೋರಣೆಯನ್ನು  ಗುರುಬಾಯಿ ಪ್ರಶ್ನಿಸುವುದು.
ಬದುಕೆಂಬ ಚಕ್ಕೀಯ ಪಾಟಾ – ಕೂಡಾ ಇಂದಿನ ಹಲವು ವಿದ್ಯಮಾನಗಳಿಗೆ ನೇರ ಸವಾಲೇ. ಮನಸ್ಸುಗಳು ಒಂದಾಗುವಲ್ಲಿ ಜಾತಿ-ಧರ್ಮಗಳ ಭೇದವಿಲ್ಲ ಎಂಬುದನ್ನು ತೋರಿಸುತ್ತಲೇ, ಪಾಳೇಯಗಾರೀ ವ್ಯವಸ್ಥೆಗೂ ಕನ್ನಡಿ ಹಿಡಿಯುತ್ತದೆ. ಪ್ರತಿಷ್ಠೆಯ ಪರಂಪರೆ ಒಂದು ಹೊಸ ಸಮುದಾಯವನ್ನೇ ಹುಟ್ಟು ಹಾಕಿದೆ. ಶಿಶುನಾಳ ಷರೀಫರ ಗೀತೆಗಳಲ್ಲಿ ಬರುವ `ಹಾಡಲು ಬಂದ ಪಾತರದವಳ’ದ ಪಾತರದವರು ಈ ಸಮುದಾಯದವರು. ಧಾರ್ಮಿಕವಾಗಿ ಇಸ್ಲಾಂ, ಆದರೆ ಸಾಂಸ್ಕೃತಿಕವಾಗಿ ಸ್ಥಳೀಯರೊಂದಿಗೆ ಬೆರೆತು ದೀಪಾವಳಿ ಹಬ್ಬ ಆಚರಿಸುವುದು, ಕಾಂತಿಲಾಲ `ಛೋಟೀ ಮಾ’ಳ ಹೆಣ್ಣು ಮಕ್ಕಳನ್ನು ಜತನದಿಂದ ನೋಡಿಕೊಳ್ಳುವುದು, ಅವರನ್ನು ಮುಸ್ಲಿಂ ಮನೆತನಕ್ಕೆ ಕೊಟ್ಟು ಮದುವೆ ಮಾಡುವುದು ಇವು ಈ ನೆಲದ ಕೂಡಿ ಬಾಳುವ ದೃಷ್ಟಾಂತಗಳು. ಅವರನ್ನು ವೈಭವೀಕರಿಸುವ ನಮ್ಮ ಹಿರಿಯರಿಗೆ, ಅವರ ಹೃದಯ ಸಂಪುಟದ ಆಳಗಳನ್ನು ಬಗೆಯಲಾದೀತೇ? ಎಂಬ ಗುಮಾನಿಯ ಮೂಲಕ ನಮ್ಮ ಸಮಾಜ ಸಹೃದಯತೆಯಿಂದ ಸಂಕುಚಿತತೆಗಳು ಅವಜ್ಞೆಗೆ ಗುರಿಯಾಗಿರುವುದನ್ನು ಗುರುತಿಸುತ್ತಲೇ ತಮ್ಮ ಮೂಲ ಕುಲ ಮುಸ್ಲಿಂ ಸಮುದಾಯದಿಂದಲೂ ಉಚ್ಛಾಟಿಸಲ್ಪಟ್ಟು ಸ್ಥಳೀಯ ಜಮೀನ್ದಾರಿ ಕುಟುಂಬಗಳಿಂದಲೂ ಪರಕೀಯತೆ ಅನುಭವಿಸುವ ಆ ಕುಟುಂಬಗಳ ಕುರಿತು ಸಮಾಜಕ್ಕಿರಬೇಕಾದ ಕಳಕಳಿಯನ್ನು ಸೂಚಿಸುತ್ತದೆ.
ಅಜೀಬ್ ತಮಾಷ್ಯಾದ ಪೋರಿ ಚನ್ನಮ್ಮ ಮಾಡಿದ್ದು ಮೌನ ಕ್ರಾಂತಿ. ಲೈಂಗಿಕತೆಯ ಕುರಿತು ಬಿಚ್ಚು ಮಾತನ್ನಾಡುತ್ತಾಳೆ. ಅದರಾಗರೇ ಅಂಥಾದೇನದಾನ ಪೋರಿ . . . ಸಂಗ್ತಿ ಎಂಬುದು ಒಂದಿನಾ ಮಾಡದ್ರೂ ಅಷ್ಟೇ. ಪೂರಾ ಜಿಂದಗೀ ಮಾಡದ್ರೂ ಅಷ್ಟೇ ಎನ್ನುವ ಮಾತಿನ ಮೂಲಕ ದೇಹ ಸುಖವೇ ಸರ್ವ ಸುಖ ಅಲ್ಲ ಎನ್ನುವುದಕ್ಕೂ ಸಾಕ್ಷಿ ಎನಿಸುತ್ತಾಳೆ.
ಹೀಗೆ ಹಲವು ಹತ್ತು ಸಂಗತಿಗಳನ್ನು Look at the world through women’s eyes ಎಂಬಂತೆ ಮೀನಕ್ಕ ತೆರೆದಿಡುತ್ತಾರೆ.
ಚನ್ನಮ್ಮ, ರಾಚವ್ವ ಮೂಲಕ ಮಹಿಳೆಯರಿಗೆ ಕುಟುಂಬದಲ್ಲಿ, ಸಮಾಜದಲ್ಲಿ ಸಿಗಬೇಕಾದ ಅಧಿಕಾರ, ಸ್ಥಾನಮಾನಗಳಷ್ಟೇ ಬಸ್ಸಿನಲ್ಲಿ ಮಹಿಳೆಯರಿಗೆ ಮೀಸಲಿಟ್ಟ ಆಸನಗಳು ಮತ್ತು ಅದನ್ನು ಪಡೆಯಲು ಬೆಳೆಸಿಕೊಳ್ಳಬೇಕಾದ ಗಟ್ಟಿತನದ ಕುರಿತೂ ಮಾತನಾಡುತ್ತಾರೆ. ಹೆಣ್ಣಿಗಿಲ್ಲದ ಮೀಸೆ ತನಗಿದೆ ಎಂಬುದೇ ಗಂಡಸಿನ ಅಹಂಕಾರಕ್ಕೆ ಕಾರಣವಾದರೆ ಪುಗ್ಸಟ್ಟೆ ಬೆಳೆದ ಮೀಸೆ ಒಜ್ಜೆಯಾದ್ರೆ ಬೋಳಿಸ್ಕೊ ಎನ್ನುವ ಮೂಲಕ ಪುರುಷ ಪ್ರತಿಷ್ಠೆಗೆ ಸವಾಲು ಹಾಕುತ್ತಾರೆ.
ಅಂಕಣ ಬರಹಗಳಿಗಿರುವ ಸಕಾರಾತ್ಮಕ ಗತಿಯನ್ನು ಡಾ. ಮೀನಾಕ್ಷಿ ಬಾಳಿ ಸರಿಯಾಗಿಯೇ ಹಿಡಿದಿದ್ದಾರೆ. ಅಂಕಣ ಬರಹಗಳಿಗೆ ಕೆಲವು ಮಿತಿಗಳೂ ಇರುತ್ತವೆ. ಆದರೆ ಬಾಳಿಯವರು ಸಿಗುವ ಅಲ್ಪ ಜಾಗವನ್ನೇ ಬಳಸಿಕೊಂಡು ಬಾನಾವತಿಯಂತಹ ಕಂದಾಚಾರವನ್ನೂ ಪ್ರಶ್ನಿಸಿದ್ದಾರೆ. ರೇಗಾದಂತಹ ಕಾನೂನುಗಳನ್ನು ಹಗುರಾಗಿ ಪರಿಗಣಿಸದಂತೆ ಎಚ್ಚರಿಕೆ ನೀಡುವ ಸ್ತ್ರೀಭ್ರೂಣ ಹತ್ಯೆಯಂತಹ ಸಮಾಜವನ್ನೆ ನಿಧಾನವಾಗಿ ನಿನರ್ಾಮಿಸುವ ಪಿಡುಗಿನತ್ತಲೂ ಗಮನ ಸೆಳೆದಿದ್ದಾರೆ.
ಧರ್ಮಶಾಸ್ತ್ರವನ್ನು ಆಧರಿಸಿ ನ್ಯಾಯ ನೀಡುವ ವ್ಯವಸ್ಥೆ ಜಾರಿಗೆ ಬರಬೇಕೆನ್ನುವ, ಮನುಸ್ಮೃತಿಯೇ ಸಂವಿಧಾನವಾಗಿ, ಜ್ಯೋತಿಷ್ಯವೇ ವಿಜ್ಞಾನವಾಗಿ ಬಿಡುವ ಪ್ರಯತ್ನಗಳತ್ತಲೂ  ಓದುಗರನ್ನು ಎಚ್ಚರಿಸುತ್ತಾರೆ. ವೈದಿಕ ಪರಂಪರೆಯನ್ನು ಮೆರೆಸುವ ತವಕದಲ್ಲಿ ಸಂವಿಧಾನವನ್ನು ಜನಸಾಮಾನ್ಯರಿಗೆ ಪರಿಚಯಿಸುವ ಅವಸರದಲ್ಲಿ ರಾಮಾ ಜೋಯಿಸರು ಅಂಬೇಡ್ಕರರನ್ನೇ ಮರೆತು ಬಿಟ್ಟರೆಂಬುದನ್ನು ನಾವ್ಯಾರೂ ಮರೆಯದಂತೆ ನೆನಪಿನಲ್ಲಿ ಉಳಿಸುತ್ತಾ ಈ ತೆರನ ಬೌದ್ಧಿಕ ಬಾಂಬ್ಗಳ ಬಗ್ಗೆ ಗಮನಸೆಳೆದಿದ್ದಾರೆ. ಒಟ್ಟಾರೆಯಾಗಿ ಪುರುಷ ನಿರ್ಮಿತ, ಪುರುಷ ಪ್ರೇರಿತ, ಪುರುಷ ಪೂಜಿತ ಸಮಾಜದ ಪ್ರತೀ ಹಂದರದಲ್ಲಿ ಮಹಿಳೆಯ ನೋವಿನ ಕತೆಯಿದೆ. ಮಹಿಳೆಯ ಗಟ್ಟಿತನವಿದೆ. ಎಲ್ಲಾ ಯಾತನೆಗಳ ಮಧ್ಯೆಯೂ ಬದುಕು ಕಟ್ಟಿಕೊಳ್ಳುವ ಛಲವಿದೆ.
ಸಾಹಿತ್ಯ ಲೋಕದಲ್ಲಿ ಆಗಲೇ ಮಾಸದ ಹೆಸರು ಮೂಡಿಸಿರುವ ವಚನ ಕ್ರಾಂತಿಯ ಮೂಸೆಯಲ್ಲೆ ಬೆಳೆದ ಮೀನಕ್ಕಳ ಲೇಖನ ಸಂಗ್ರಹಕ್ಕೆ ಮುನ್ನುಡಿ ಬರೆದ ಸಂಭ್ರಮ ನನಗೆ.

ಮುನ್ನುಡಿಯಿಂದ

ವಿಮಲಾ ಕೆ. ಎಸ್.

ಇದು ಅಂತರ್ರಾಷ್ಟ್ರೀಯ ಮಹಿಳಾ ದಿನಾಚರಣೆಯ ಶತಮಾನೋತ್ಸವ ವರ್ಷ. ಇಂದಿಗೆ ಸರಿಯಾಗಿ ನೂರು ವರ್ಷಗಳ ಹಿಂದೆ 26 ಆಗಸ್ಟ್ 1910 ರಂದು ಕೋಪನ್ ಹೆಗನ್ ನಲ್ಲಿ ನಡೆದ ಎರಡನೇ ಅಂತರ್ರಾಷ್ಟ್ರೀಯ ಸಮಾಜವಾದಿ ಮಹಿಳಾ ಸಮ್ಮೇಳನ ಅಂತರ್ರಾಷ್ಟ್ರೀಯ ಮಹಿಳಾ ದಿನವನ್ನು ಆಚರಿಸುವ ನಿರ್ಣಯವನ್ನು ಸರ್ವಾನುಮತದಿಂದ, ಮಾತ್ರವಲ್ಲ ಅತೀವ ಹುಮ್ಮಸ್ಸಿನಿಂದ ಅಂಗೀಕರಿಸಿತು. ಅದಕ್ಕೂ 53 ವರ್ಷಗಳ ಹಿಂದೆ ನ್ಯೂಯಾರ್ಕ್ ನಗರದ ಗಾರ್ಮೆಂಟ್ ಉದ್ದಿಮೆಯ ಮಹಿಳಾ ಕಾರ್ಮಿಕರು ಹತ್ತು ಗಂಟೆ ಕೆಲಸ, ಕೆಲಸದ ಧುಮುಕಿದ್ದ ಐತಿಹಾಸಿಕ ಮಾರ್ಚ್ ೮, ಮುಂದಿನ ವರ್ಷದಿಂದ ಅಂದರೆ 1911 ರಿಂದ ಅಂತರ್ರಾಷ್ಟ್ರೀಯ ಮಹಿಳಾ ದಿನವಾಗಿ ಆಚರಿಸಲ್ಪಡುತ್ತಿದೆ. ಈ ವರ್ಷ ವಿಶ್ವಾದ್ಯಂತ ಪ್ರಗತಿಪರ ಶಕ್ತಿಗಳು ಮಾನವ ಕುಲ ಒಂದು ಸಮಾನತೆಯ ಸಮಾಜದತ್ತ ಇನ್ನೊಂದು ಪ್ರಮುಖ ಹೆಜ್ಜೆಯಿಟ್ಟ ಈ ಐತಿಹಾಸಿಕ ದಿನದ ಶತಮಾನೋತ್ಸವ ಆಚರಿಸುತ್ತಿರುವಾಗ `ಚಿಂತನ ಪುಸ್ತಕ’ವೂ ಡಾ. ಮೀನಾಕ್ಷಿ ಬಾಳಿಯವರ ಲೇಖನಗಳ ಎರಡು ಸಂಗ್ರಹಗಳೊಂದಿಗೆ ಇದರಲ್ಲಿ ಭಾಗಿಯಾಗುತ್ತಿದೆ.

EzÀÄ CAvÀgÁæ¶ÖçÃAiÀÄ ªÀÄ»¼Á ¢£ÁZÀgÀuÉAiÀÄ ±ÀvÀªÀiÁ£ÉÆÃvÀìªÀ ªÀµÀð. EA¢UÉ ¸ÀjAiÀiÁV £ÀÆgÀÄ ªÀµÀðUÀ¼À »AzÉ, 26 DUÀ¸ïÖ 1910 gÀAzÀÄ PÉÆ¥À£ïºÉUÀ£ï£À°è £ÀqÉzÀ JgÀqÀ£Éà CAvÀgÁæ¶ÖçÃAiÀÄ ¸ÀªÀiÁdªÁ¢ ªÀÄ»¼Á ¸ÀªÉÄäüÀ£À CAvÀgÁæ¶ÖçÃAiÀÄ ªÀÄ»¼Á ¢£ÀªÀ£ÀÄß DZÀj¸ÀĪÀ ¤tðAiÀĪÀ£ÀÄß ¸ÀªÁð£ÀĪÀÄvÀ¢AzÀ, ªÀiÁvÀæªÀ®è, CwêÀ ºÀĪÀÄä¹ì¤AzÀ CAVÃPÀj¹vÀÄ. CzÀPÀÆÌ 53 ªÀµÀðUÀ¼À »AzÉ £ÀÆåAiÀiÁPïð £ÀUÀgÀzÀ UÁªÉÄðAmï G¢ÝªÉÄAiÀÄ ªÀÄ»¼Á PÁ«ÄðPÀgÀÄ ºÀvÀÄÛ UÀAmÉ PÉ®¸À, PÉ®¸ÀzÀ ¥Àj¹ÜwUÀ¼À°è ¸ÀÄzsÁgÀuÉAiÀÄ ¨ÉÃrPÉUÀ¼À eÉÆvÉUÉ ªÀÄ»¼ÉAiÀÄjUÉ ¸ÀªÀiÁ£À ºÀPÀÄÌUÀ¼À ¨ÉÃrPÉAiÀÄ£ÀÆß JwÛ ºÉÆÃgÁlPÉÌ zsÀĪÀÄÄQzÀÝ LwºÁ¹PÀ ªÀiÁZïð 8, ªÀÄÄA¢£À ªÀµÀð¢AzÀ CAzÀgÉ 1911 jAzÀ CAvÀgÁæ¶ÖçÃAiÀÄ ªÀÄ»¼Á ¢£ÀªÁV DZÀj¸À®àqÀÄwÛzÉ. F ªÀµÀð «±ÁézÀåAvÀ ¥ÀæUÀw¥ÀgÀ ±ÀQÛUÀ¼ÀÄ ªÀiÁ£ÀªÀ PÀÄ® MAzÀÄ ¸ÀªÀiÁ£ÀvÉAiÀÄ ¸ÀªÀiÁdzÀvÀÛ E£ÉÆßAzÀÄ ¥ÀæªÀÄÄR ºÉeÉÓ¬ÄlÖ F LwºÁ¹PÀ ¢£ÀzÀ ±ÀvÀªÀiÁ£ÉÆÃvÀìªÀ DZÀj¸ÀÄwÛgÀĪÁUÀ ‘aAvÀ£À ¥ÀĸÀÛPÀ’ªÀÇ qÁ. «ÄãÁQë ¨Á½AiÀĪÀgÀ ¯ÉÃR£ÀUÀ¼À JgÀqÀÄ ¸ÀAUÀæºÀUÀ¼ÉÆA¢UÉ EzÀgÀ°è ¨sÁVAiÀiÁUÀÄwÛzÉ.