ಪುಸ್ತಕ ಬಹುಮಾನ


img-20170209-wa0089img-20170209-wa0084

ಈ ಸಂಕಲನದಲ್ಲಿ ಐದು ಕಥೆಗಳಿವೆ. ಪ್ರತಿಯೊಂದು ಕಥನವೂ ಒಂದು ರೀತಿಯ ವೈದ್ಯಕೀಯ ಸಮಸ್ಯೆಯನ್ನು ಕುರಿತಾದದ್ದು. ವಿಭಿನ್ನ ಸಾಮರ್ಥ್ಯದ ಮಕ್ಕಳನ್ನು ಮುಖ್ಯವಾಹಿನಿಗೆ ಕರೆತರುವ ಜವಾಬ್ದಾರಿ ಎಲ್ಲರ ಮೇಲೆ ಇದೆ. ಈ ಜಬಾಬ್ದಾರಿಗೆ ಸ್ಪಂದಿಸುವ ಹಾಗೆ ಈ ಕಥನ ಸಂಕಲನ ಹೊರಬಂದಿದೆ. ವೈದ್ಯಕೀಯ ಪಾರಿಭಾಷಿಕ ಪದಗಳೆ ವಿಜೃಂಭಿಸಬಹುದಾಗಿದ್ದ ಕೃತಿಯಲ್ಲಿ, ಆ ಪದಗಳ ಅರ್ಥ ವಿವರಿಸುತ್ತಾ ಕಥಾ ಹಂದರದಲ್ಲಿ ಹೆಣೆದಿರುವ ರೀತಿ ಸ್ತುತ್ಯ‍ರ್ಹ. ಶೈಲಿ ಸರಳ ಸುಂದರವಾಗಿದೆ. ಭಾಷೆಯು ವೈದ್ಯಕೀಯ ಸಮಸ್ಯೆಗಳನ್ನು ವಿವರಿಸುವಾಗ ಪಾರಿಭಾಷಿಕವಾಗುತ್ತದೆ. ಮಿಕ್ಕ ಸಮಯದಲ್ಲಿ ರೂಪಕ, ಪ್ರತಿಮೆ ಮುಂತಾದ ಸಾಹಿತ್ಯಕ ಅಂಶಗಳಿಲ್ಲದೆ, ಸರಳವಾಗಿ ಕ್ರಿಯೆಯನ್ನು ದಾಖಲಿಸುವ ಶೈಲಿಯಲ್ಲಿದ್ದು ಕಥನ ಕ್ರಮಕ್ಕೆ ಇಂಬು ನೀಡುತ್ತದೆ.

ಎಸ್.ವಿ.ಕಶ್ಯಪ್

ವಿಶೇಷ ಅಗತ್ಯವುಳ್ಳ ಮಕ್ಕಳ ನಿಜ ಜೀವನದ ಕಥೆಗಳನ್ನು ಕಾಲ್ಪನಿಕ ಹೆಸರುಗಳೊಂದಿಗೆ ನವಿರಾಗಿ ನಿರೂಪಿಸಿ ಅಂತಹ ಮಕ್ಕಳನ್ನು ಹೇಗೆ ನೋಡಿಕೊಳ್ಳಬೇಕು, ಪಾಲಕರ ಜವಾಬ್ದಾರಿಗಳೇನು, ಸಮಾಜದ ದೃಷ್ಟಿಕೋನ ಹೇಗಿದೆ, ಹೇಗೆ ಅದನ್ನೆಲ್ಲಾ ನಿಭಾಯಿಸಿ ಜೀವನ ನಡೆಸಬೇಕು ಎಂಬುದನ್ನು ತಿಳಿಸಿಕೊಡುವ ಅಪರೂಪದ ಕಥಾಸಂಕಲನ ಇದು. ವಿಶೇಷ ಮಕ್ಕಳ ಆರೈಕೆಗಾಗಿ ಕೆಲಸಮಾಡುತ್ತಿರುವ ಸಂಸ್ಥೆಗಳಲ್ಲಿ ಎರಡು ದಶಕಗಳಿಗೂ ಹೆಚ್ಚುಕಾಲ ತೊಡಗಿಸಿಕೊಂಡು ಅಲ್ಲಿನ ಅನುಭವಗಳನ್ನು ಲೇಖಕಿ ನೀಳ್ಗತೆಗಳಲ್ಲಿ ನಿರೂಪಿಸಿದ್ದಾರೆ. ಅನುಕಂಪಕ್ಕಿಂತ ಅವಕಾಶ ಕಲ್ಪಿಸಿಕೊಡಬೇಕು ಅನ್ನುವುದಕ್ಕೆ ಹೆಚ್ಚು ಒತ್ತು ನೀಡಿದ್ದಾರೆ.

ಬೇದ್ರೆ ಮಂಜುನಾಥ್

ಸರ್ಕಾರದ ಗೆಜೆಟಿಯರ್ ನಲ್ಲೇ `ವಿಕಲಾಂಗ ಚೇತನ’ ಎಂಬ ಪದ ನುಸುಳಿರುವ ಹೊತ್ತಿನಲ್ಲಿ ವಿಶೇಷ ಚೇತನರ ಕುರಿತು ಕಥೆಗಳು ಪ್ರಕಟವಾಗಿರುವುದು ಖುಷಿಯ ವಿಚಾರ. ಬಹುಶಃ ಕನ್ನಡದಲ್ಲೇ ಇದೊಂದು ವಿಶಿಷ್ಟ ಪ್ರಯತ್ನವೆಂದು ಹೇಳಬಹುದು. ಕಥನ ಕೌಶಲ್ಯ, ಭಾಷಾವೈವಿಧ್ಯತೆಯ ಎಲ್ಲೆಯನ್ನು ದಾಟಿದ ಒಂದು ಮಾನವೀಯ ಪ್ರಜ್ಞೆ ಈ ಕೃತಿಯಲ್ಲಿದೆ. ಇದು ಈ ಕಾಲದ ತುರ್ತು ಕೂಡ. ಇಂಗ್ಲೀಷ್ ಪದಗಳನ್ನು ಕೆಟ್ಟದಾಗಿ ಕನ್ನಡೀಕರಿಸುತ್ತಿರುವ ಈ ಹೊತ್ತಿನಲ್ಲಿ ಲೇಖಕರು ಅಂತಹ ಅನಾಹುತ ಮಾಡದೆ ಅವುಗಳನ್ನು ಮೂಲದಲ್ಲೆ ಉಳಿಸಿದ್ದಾರೆ. ವೈದ್ಯಕೀಯ ಪರಿಭಾಷೆಯ ಪದಬಳಕೆಯಲ್ಲೂ ಹೊಸತನವಿದೆ.

ವಿ.ಆರ್.ಕಾರ್ಪೆಂಟರ್

ಕೃಪೆ :  ಕರ್ನಾಟಕ ಸಾಹಿತ್ಯ ಅಕಾಡೆಮಿ – ಬೆಂಗಳೂರು ಪ್ರಕಟಿಸಿದ ಬಹುಮಾನಿತ ಕೃತಿಗಳು 2015

Advertisements

scan0028 scan0029  scan0030scan0031 scan0032 scan0033

ಚಿಂತನ ಪುಸ್ತಕಕ್ಕೆ ಇನ್ನೊಂದು ಪ್ರಶಸ್ತಿಯನ್ನು ತಂದು ಕೊಟ್ಟ ಚಂಪಾ ಜೈಪ್ರಕಾಶ್ ಅವರಿಗೆ ಧನ್ಯವಾದಗಳು ಮತ್ತು ಅಭಿನಂದನೆಗಳು

 

%e0%b2%9a%e0%b2%82%e0%b2%aa%e0%b2%be-%e0%b2%9c%e0%b3%88%e0%b2%aa%e0%b3%8d%e0%b2%b0%e0%b2%95%e0%b2%be%e0%b2%b6%e0%b3%8d

Cover_Design 04

ಕರ್ನಾಟಕ ಸಾಹಿತ್ಯ ಅಕಾಡೆಮಿಯಿಂದ ಕೊಡಲ್ಪಡುವ ಮಧುರಚೆನ್ನ ದತ್ತಿನಿಧಿ ಬಹುಮಾನ* 2015 ನೇ ಸಾಲಿನಲ್ಲಿ ಚಿಂತನ ಪುಸ್ತಕ ಪ್ರಕಟಿಸಿರುವ ಚಂಪಾ ಜೈಪ್ರಕಾಶ್ ಬರೆದಿರುವ 21ನೇ ಕ್ರೋಮೋಜೋ಼ಮ್ ಮತ್ತು ಇತರೆ ಕಥನಗಳು' ಪುಸ್ತಕಕ್ಕೆ ದೊರಕಿದೆ. ಇದು `ಲೇಖಕರ ಮೊದಲ ಕೃತಿ’ ವಿಭಾಗದಲ್ಲಿ ಉತ್ತಮ ಪುಸ್ತಕವೆಂದು ಪರಿಗಣಿಸಿ ನೀಡಿದ ಬಹುಮಾನ.

ಶ್ರೀಮತಿ ಚಂಪರವರು, ಶಿಕ್ಷಣ ತಜ್ಞೆ, ವಿಶೇಷ ಮಕ್ಕಳ ಶಿಕ್ಷಣದಲ್ಲಿ ಅದರಲ್ಲೂ ವಿಶಿಷ್ಟವಾಗಿ ಮನೋವೈಕಲ್ಯವುಳ್ಳ ಮಕ್ಕಳ ಶಿಕ್ಷಣದಲ್ಲಿ ವಿಶೇಷ ಪರಿಣಿತಿ ಪಡೆದಿರುವರು. ಈ ವಿಷಯದಲ್ಲಿ ಉನ್ನತ ವ್ಯಾಸಂಗ ಮಾಡಿ, ಹಲವು ಹೆಸರಾಂತ ಸಂಸ್ಥೆಗಳಲ್ಲಿ ವೃತ್ತಿ ನಿರತರಾಗಿದ್ದು ತುಂಬಾ ಆಳವಾದ ಅನುಭವವನ್ನು ಉಳ್ಳವರು.
ಅವರು ತಮ್ಮ ದೀರ್ಘ ಅನುಭವದಲ್ಲಿ ಕಂಡ ಅನೇಕ ಮಕ್ಕಳಲ್ಲಿ ಕೆಲವರನ್ನು ಆಯ್ದು ಅವರ ಪಾಲನೆಯ ಬಗ್ಗೆ, ಸಾಧನೆ, ತರಬೇತಿಯ ಬಗ್ಗೆ ಈ ಪುಸ್ತಕದಲ್ಲಿ ವಿವರಿಸಿದ್ದಾರೆ. ಇಲ್ಲಿ ಆರಿಸಿಕೊಂಡಿರುವ ಮಕ್ಕಳು ವಿವಿಧ ಬಗೆಯ ಮನೋವೈಕಲ್ಯಗಳನ್ನು ಪ್ರತಿನಿಧಿಸುತ್ತಾರೆ. ಬುದ್ಧಿಮಾಂದ್ಯತೆ, ಸೆರೆಬ್ರಲ್ ಪಾಲ್ಸಿ ಅಥವಾ ಮೆದುಳಿನ ಆಘಾತದಿಂದ ಬರುವ ಸ್ನಾಯು ಬಿಗಿತ ಮತ್ತು ಸೆಳೆತ, ಡೌನ್ಸ್ ಸಿಂಡ್ರೋಮ್, ಸ್ವಲೀನತೆ ಮತ್ತು ಕಲಿಕಾ ನ್ಯೂನತೆ ಹೀಗೆ ವಿವಿಧ ರೀತಿಯ ಮನೋವೈಕಲ್ಯದ ಲಕ್ಷಣಗಳ ಮಕ್ಕಳನ್ನು ಇವರು ಇಲ್ಲಿ ಆರಿಸಿಕೊಂಡಿದ್ದಾರೆ. ಈ ಮಕ್ಕಳ ಕಥೆಗಳನ್ನು ಹೃದಯಂಗಮವಾಗಿ, ತುಂಬಾ ಸಹಾನುಭೂತಿಯಿಂದ ಚಂಪರವರು ನಿವೇದಿಸಿದ್ದಾರೆ.

ಜಾತಿ ಮತ್ತು ಸಾಮಾಜಿಕ ಅಂತಸ್ತುಗಳಿಗೂ, ವಿಕಲತೆಗೂ ಯಾವ ಸಂಬಂಧವೂ ಇಲ್ಲ. ವಿಕಲತೆಯು ಯಾರನ್ನು ಬೇಕಾದರೂ, ಯಾವಾಗ ಬೇಕಾದರೂ ಎಡತಾಕಬಹುದು. ಆದರೆ ಮಕ್ಕಳಲ್ಲಿ ಕಂಡಾಗ ಅದರ ಪರಿಣಾಮ ತೀವ್ರವಾಗುತ್ತದೆ. ಇಂತಹ ಸಂದರ್ಭಗಳಲ್ಲಿ ಕುಟುಂಬದವರ ಜವಾಬ್ದಾರಿ ಅತಿ ಹೆಚ್ಚಿನದಾಗಿರುತ್ತದೆ.
ಎಲ್ಲರ ಮನೆಯಲ್ಲೂ ಮಗುವಿನ ಆಗಮನಕ್ಕಾಗಿ ಕಾಯುತ್ತಿರುವಾಗ ಆಗುವ ಆತಂಕ, ಸಂಭ್ರಮ, ನಿರೀಕ್ಷೆಗಳು ಮತ್ತು ಕನಸುಗಳು ಹೆಚ್ಚು ಕಡಿಮೆ ಒಂದೇ ಆಗಿರುತ್ತವೆ. ಆದರೆ ಯಾವುದೇ ಮಗು ಭಿನ್ನವಾಗಿ ಹುಟ್ಟಿದರೆ ಅಥವಾ ಅದರ ಬೆಳವಣಿಗೆ ಕುಂಠಿತಗೊಂಡಿದ್ದರೆ ಪೋಷಕರಲ್ಲಿ, ಸಂಬಂಧಿಕರಲ್ಲಿ ಉಂಟಾಗುವ ಸಂಕಟ, ತಲ್ಲಣಗಳು ಗಾಢವಾದುದ್ದು. ಇನ್ನು ಮಗುವಿನ ತಪಾಸಣೆಗಳಿಗಾಗಿ ಅನೇಕ ವೈದ್ಯರುಗಳ ಬಳಿಗೆ ಎಡತಾಕುವುದು, ಹಾಗೆಯೇ ಆ ಎಲ್ಲ ವೈದ್ಯರುಗಳು ಗುರುತಿಸಿ ತಿಳಿಸಿದ ಸಮಸ್ಯೆಯನ್ನು ಅರಗಿಸಿಕೊಳ್ಳುವ, ಸಮಸ್ಯೆಯ ಪರಿಹಾರವನ್ನು ಕಂಡುಕೊಳ್ಳುವ ನಿಟ್ಟಿನಲ್ಲಿ ಅನುಭವಿಸುವ ಮಾನಸಿಕ ದುಗುಡ, ಆಘಾತ, ಅತ್ಯಂತ ಕಷ್ಟಕರ.
ಶ್ರೀಮತಿ ಚಂಪರವರು ಪ್ರತಿ ಕಥೆಯಲ್ಲೂ ಇವೆಲ್ಲ ಅನುಭವಗಳನ್ನು ಬಹಳ ಸಾಂದ್ರವಾಗಿ ಹಿಡಿದಿಟ್ಟಿದ್ದಾರೆ. ಮಗು ಮತ್ತು ಮಗುವಿನ ತಾಯಿ-ತಂದೆ ಮತ್ತು ಅವರ ಕುಟುಂಬದೊಡನೆ ಅವರ ಸಹಾನುಭೂತಿ ಎದ್ದು ಕಾಣುತ್ತದೆ. ಅಲ್ಲಿಂದ ಮುಂದೆ ಅವರು ಮಗುವಿನ ತೊಂದರೆಯನ್ನು ಅರ್ಥೈಸಿ ಅದರ ಕಾರಣಗಳನ್ನು, ವಿವರಗಳೊಂದಿಗೆ ಕೂಲಂಕುಷವಾಗಿ ವಿವರಿಸುತ್ತಾರೆ. ಮುಖ್ಯವಾಗಿ ಆ ಮಕ್ಕಳ ಚಿಕಿತ್ಸೆ, ತರಬೇತಿ ಮುಂತಾದವುಗಳನ್ನು ವಿವರಿಸಿ ಮಕ್ಕಳ ಸಾಧನೆಯನ್ನು ಎತ್ತಿ ತೋರಿಸಿ, ಮಕ್ಕಳ ಸಾಧನೆಯಲ್ಲಿ ತಾವೂ ಖುಷಿ ಪಡೆದು, ಬೇರೆಯವರಿಗೂ ಧೈರ್ಯ ತುಂಬುತ್ತಾರೆ. ಅಂತಹ ಸಾಧನೆಗಾಗಿ ಮಗು, ಪೋಷಕರು ಮತ್ತು ಶಿಕ್ಷಕರು ಪಡಬೇಕಾದ ಪರಿಶ್ರಮದ ಅಗಾಧತೆಯನ್ನು ತಿಳಿಸಿಕೊಡುತ್ತಾರೆ. ಮುಖ್ಯವಾಗಿ ಅಂಥ ಮಕ್ಕಳ ಬೆಳವಣಿಗೆಯಲ್ಲಿ ತಾಯಿ ಮತ್ತು ಕುಟುಂಬದವರ ಶ್ರಮವನ್ನು ಗಮನಿಸಿ ಅದನ್ನು ಒತ್ತಿ ಹೇಳುತ್ತಾರೆ. ಚಿಕಿತ್ಸಾಲಯದಲ್ಲಿ, ಶಾಲೆಯಲ್ಲಿ ಕಲಿಯುವುದನ್ನು ಮನೆಯಲ್ಲಿ ಹೇಗೆ ಅಭ್ಯಾಸ ಮಾಡಿಸಿ, ಗಟ್ಟಿಮಾಡಬೇಕೆಂದು ತೋರಿಸುತ್ತಾರೆ. ಅದೇ ವೇಳೆ ಇಂತಹ ಮಕ್ಕಳ ಸಾಧನೆ ನಿಯಮಿತವಾಗಿರುತ್ತದೆಂದೂ ಜ್ಞಾಪಿಸುತ್ತಾರೆ. ಪ್ರತಿ ಮಗುವೂ ತನ್ನ ಶಕ್ತಿಯ ಪರಿಮಿತಿಯಲ್ಲಿ ಸಾಧ್ಯವಾದಷ್ಟು ವಿಕಸನಗೊಂಡು ಬೆಳೆದಾಗ ಪೋಷಕರು ಸಂತೋಷ ಪಡಬೇಕೆಂದು ತೋರಿಸಿದ್ದಾರೆ. ಈ ಸಾಧನೆಯಿಂದ ಮಕ್ಕಳಿಗೂ ಎಷ್ಟು ಹೆಮ್ಮೆ, ಪ್ರೋತ್ಸಾಹ ಸಿಗುತ್ತದೆ ಎಂಬುದನ್ನು ಗುರುತಿಸಿ ತೋರಿಸಿದ್ದಾರೆ. ಇದೆಲ್ಲವನ್ನು ಬಹು ಸ್ವಾರಸ್ಯಕರವಾಗಿ ಮನ ಕಲಕುವಂತೆ ವರ್ಣಿಸಿದ್ದಾರೆ.
– ನ ರತ್ನ (ಪುಸ್ತಕದ ಮುನ್ನುಡಿಯಿಂದ)

*ಡಾ. (ಶ್ರೀಮತಿ) ಉಮಾ ಬಿದರಿ ಹಾಗೂ ಮಧುರಚೆನ್ನರ ಶಿಷ್ಯರು ಒಟ್ಟಾಗಿ `ಮಧುರಚೆನ್ನರ ಜನ್ಮಶತಮಾನೋತ್ಸವ’ದ ಸಂದರ್ಭದ ನೆನಪಿಗಾಗಿ ಅವರ  ಹೆಸರಿನಲ್ಲಿ ಅಕಾಡೆಮಿಗೆ ರೂ 50,000 (ಐವತ್ತು ಸಾವಿರಗಳ) ಮೌಲ್ಯದ ದತ್ತಿನಿಧಿಯನ್ನು ನೀಡಿದ್ದಾರೆ. ಈ ಹಣವನ್ನು ಬ್ಯಾಂಕಿನಲ್ಲಿ ನಿಶ್ಚಿತ ಠೇವಣಿಯಾಗಿ ಇಟ್ಟು ಅದರಿಂದ ಬರುವ ಬಡ್ಡಿಯಲ್ಲಿ ರೂ 5,000ದಷ್ಟು ಮೊಬಲಗನ್ನು `ಪುಸ್ತಕ ಬಹುಮಾನ ಯೋಜನೆ’ಯ ನಿಯಮಗಳ ಅನುಸಾರ ಪ್ರತಿವರ್ಷ `ಲೇಖಕರ ಮೊದಲ ಕೃತಿ’ ಪ್ರಕಾರದಲ್ಲಿ ಅತ್ಯುತ್ತಮವೆಂದು ನಿರ್ಣಯಿಸಲ್ಪಡುವ ಕೃತಿಗೆ ಬಹುಮಾನವಾಗಿ ನೀಡಲಾಗುವುದು. ಇದು ಪ್ರತ್ಯೇಕ ಬಹುಮಾನವಾಗಿರದೆ, `ಪುಸ್ತಕ ಬಹುಮಾನ ಯೋಜನೆ’ಯಲ್ಲಿನ 17ನೇ ಸಾಹಿತ್ಯ ಪ್ರಕಾರವಾದ `ಲೇಖಕರ ಮೊದಲನೆ ಕೃತಿ’ಯೇ ಆಗಿರುತ್ತದೆ.  ಈ ಬಹುಮಾನವನ್ನು `ಮಧುರಚೆನ್ನ ದತ್ತಿನಿಧಿ ಬಹುಮಾನ’ ಎಂದು ಕರೆಯಲಾಗುವುದು.

ಪ್ರೊ. ಆರ್.ಕೆ.ಹುಡಗಿ ಅವರಿಗೆ ಅಭಿನಂದನೆಗಳು!

ಪ್ರೊ. ಆರ್.ಕೆ.ಹುಡಗಿ ಅವರು ಅನುವಾದಿಸಿದ ನಮ್ಮ ಪ್ರಕಟಣೆಯ ಪುಸ್ತಕ `ಕಾರ್ಪೋರೇಟ್ ಕಾಲದಲ್ಲೂ ಕಾರ್ಲ್ ಮಾರ್ಕ್ಸ್ ಪ್ರಸ್ತುತ’ ಪುಸ್ತಕಕ್ಕೆ ಸಾಹಿತ್ಯ ಅಕಾಡೆಮಿಯ 2014ನೇ ವರ್ಷದ ಪುಸ್ತಕ ಬಹುಮಾನ ಬಂದಿದೆ.

rk hudagi foto (2)

%e0%b2%b8%e0%b2%be%e0%b2%b9%e0%b2%bf%e0%b2%a4%e0%b3%8d%e0%b2%af-%e0%b2%85%e0%b2%95%e0%b2%be%e0%b2%a1%e0%b3%86%e0%b2%ae%e0%b2%bf-2014-%e0%b2%aa%e0%b3%81%e0%b2%b8%e0%b3%8d%e0%b2%a4%e0%b2%95-%e0%b2%ac

karl marks-Cover

ಕುವೆಂಪು ಭಾಷಾ ಭಾರತಿ ಪ್ರಾಧಿಕಾರದ 2014ನೇ ಸಾಲಿನ ಶ್ರೇಷ್ಟ ಅನುವಾದಕ್ಕಾಗಿ ಪುರಸ್ಕೃತರಾದವರಿಗೆ ಹಾಗೂ 2015ನೇ ಸಾಲಿನ ಗೌರವ ಪ್ರಶಸ್ತಿ ಪಡೆದಿರುವ ಪ್ರತಿಷ್ಟಿತ ಅನುವಾದಕರಿಗೆ ಚಿಂತನ ಪುಸ್ತಕ ಬಳಗದ ಅಭಿನಂದನೆಗಳು.

2009ರಲ್ಲಿ ಪ್ರಾರಂಭವಾದ ಕುವೆಂಪು ಭಾಷಾ ಭಾರತಿ ಪ್ರಾಧಿಕಾರ ಕನ್ನಡ ಸಾಹಿತ್ಯ ಹಾಗೂ ಸಂಸ್ಕೃತಿಯನ್ನು ಉಳಿಸಿ ಬೆಳೆಸುವ ಉದ್ಧೇಶವನ್ನು ಹೊಂದಿದ ಸಂಸ್ಥೆ. ಈ ನಿಟ್ಟಿನಲ್ಲಿ ಅನುವಾದಿತ ಸಾಹಿತ್ಯ ಕ್ಷೇತ್ರದಲ್ಲಿ ಸಲ್ಲಿಸಿದ ಅನನ್ಯ ಸೇವೆಗಾಗಿ ಪ್ರತಿವರ್ಷ ಐವರು ಪ್ರತಿಷ್ಠಿತ ಅನುವಾದಕರಿಗೆ ಗೌರವ ಪ್ರಶಸ್ತಿಗಳನ್ನು ಕೊಡುವ. ಹಾಗೂ ಐದು ಸಾಹಿತ್ಯ ಪ್ರಕಾರ(ಕಾವ್ಯ, ನಾಟಕ, ಆತ್ಮಕತೆ/ಜೀವನ ಚರಿತ್ರೆ, ಕಥನ ಸಾಹಿತ್ಯ ಮತ್ತು ವೈಚಾರಿಕ ಸಾಹಿತ್ಯ)ಗಳ ಗ್ರಂಥಗಳಿಗೆ ವರ್ಷದ ಶ್ರೇಷ್ಠ ಅನುವಾದ ಬಹುಮಾನ ಕೊಡುವ ಯೋಜನೆಯನ್ನು ಹಾಕಿಕೊಂಡಿದೆ.

2014ರ ಸಾಲಿನ ವೈಚಾರಿಕ ಸಾಹಿತ್ಯ ಪ್ರಕಾರದ ಪುಸ್ತಕ ಬಹುಮಾನಕ್ಕೆ ಆಯ್ಕೆಯಾದ 2 ಕೃತಿಗಳು ನಮ್ಮ ಪ್ರಕಾಶನ ಸಂಸ್ಥೆ ಚಿಂತನ ಪುಸ್ತಕದಿಂದ ಪ್ರಕಟವಾದದ್ದು. ಹಾಗೂ ಪ್ರತಿಷ್ಟಿತ ಇತಿಹಾಸಕಾರ ಇರ್ಫಾನ್ ಹಬೀಬ್ ಅವರ ಪ್ರಧಾನ ಸಂಪಾದಕತ್ವದಲ್ಲಿ ಆಂಗ್ಲ ಭಾಷೆಯಲ್ಲಿ ಪ್ರಕಟವಾಗುತ್ತಿರುವ Peoples History of India ಪುಸ್ತಕ ಸರಣಿಯ 5 ನೇ ಮತ್ತು 28 ನೇ ಪುಸ್ತಕಗಳಾದ Mauryan India ಮತ್ತು Indian Economy, 1858-1914 ಇವುಗಳ ಕನ್ನಡಾನುವಾದಗಳಾದ ಮೌರ್ಯರ ಕಾಲದ ಭಾರತ ಹಾಗೂ ಭಾರತದ ಆರ್ಥಿಕತೆ 1958-1914 ಪುಸ್ತಕಗಳಾಗಿವೆ

ಈ ಪುಸ್ತಕ ಸರಣಿ ರಾಜ್ಯಾದ್ಯಂತ ಇತಿಹಾಸ ವಿದ್ಯಾರ್ಥಿಗಳಿಂದ ಹಾಗೂ ಇತಿಹಾಸ ಪ್ರಾದ್ಯಾಪಕರಿಂದ ಮನ್ನಣೆ ಪಡೆದಿದೆ. ಈ ಪುಸ್ತಕ ಸರಣಿಯನ್ನು ಇನ್ನಷ್ಟು ಪ್ರಸಿದ್ದಗೊಳಿಸುವಲ್ಲಿ ನೆರವಾದ ಅನುವಾದಕರಾದ ಪ್ರೊ.ನಗರಗೆರೆ ರಮೇಶ್ (ಮೌರ್ಯರ ಕಾಲದ ಭಾರತ) ಹಾಗೂ ಪ್ರೊ. ಕೆ.ಎಂ.ಲೋಕೇಶ್ (ಭಾರತದ ಆರ್ಥಿಕತೆ 1958-1914 ) ಅವರಿಗೆ ನಾವು ಮತ್ತು ಈ ಪುಸ್ತಕ ಸರಣಿಯ ಅಭಿಮಾನಿಗಳೆಲ್ಲರೂ ಕೃತಜ್ಞರು.

  • ವಿಶಾಲಮತಿ (ಚಿಂತನ ಪುಸ್ತಕದ ಪರವಾಗಿ)

20160314_161800

KBBP’s book award winners

Kuvempu Bhasha Bharati Pradhikara (KBBP) has announced its translation and book award winners.

Writers chosen for the 2015-16 awards are: Panchakshari Hiremath, Dharwad; D.A. Shankar, Mysuru; R.P. Hegde, Siddapur; Vijaya Subbaraj, Bengaluru, and H.S. Shivaprakash, Delhi.

Writers Jayalalitha, K.M. Seetharamaiah, Akshara K.V., K.M. Lokesh, Nagaragere Ramesh, and B.S. Jayaprakash Narayana were chosen for the 2014 book awards.

— Staff Reporter The Hindu

ಕುವೆಂಪು ಭಾಷಾ ಭಾರತಿ ಪುಸ್ತಕ ಪ್ರಾಧಿಕಾರದ 2014ರ ಪುಸ್ತಕ ಬಹುಮಾನ ಪುರಸ್ಕೃತರಾಗಿರುವ ನಗರಗೆರೆ ರಮೇಶ್ ಅವರಿಗೆ (`ಮೌರ್ಯರ ಕಾಲದ ಭಾರತ’ ಪುಸ್ತಕಕ್ಕಾಗಿ) ಹಾಗೂ ಕೆ.ಎಂ.ಲೋಕೇಶ್ ಅವರಿಗೆ (`ಭಾರತದ ಆರ್ಥಿಕತೆ 1858-1914′  ಪುಸ್ತಕಕ್ಕಾಗಿ) ಅಭಿನಂದನೆಗಳು.

nagaragere ramesh

 

ನಗರಗೆರೆ ರಮೇಶ್ ಅವರು ಬೆಂಗಳೂರಿನ ನ್ಯಾಷನಲ್ ಕಾಲೇಜಿನಲ್ಲಿ ನಿವೃತ್ತ ಇಂಗ್ಲೀಷ್ ಪ್ರಾದ್ಯಾಪಕರಾಗಿದ್ದು ಮಾನವ ಹಕ್ಕು ಸಂಘಟನೆಯೊಂದರಲ್ಲಿ ಸಕ್ರಿಯವಾಗಿರುವವರು

059.978-93-81187-25-8

 

k m lokesh

 

ಕೆ.ಎಂ.ಲೋಕೇಶ್ ಇವರು ಪ್ರಸ್ತುತ ಮಂಗಳೂರು ವಿಶ್ವವಿದ್ಯಾಲಯದಲ್ಲಿ ಇತಿಹಾಸ ಪ್ರಾದ್ಯಾಪಕರಾಗಿ ಕಾರ್ಯ ನಿರ್ವಹಿಸುತ್ತಿದ್ದು ಇವರ ಆಸಕ್ತಿ ಆಧುನಿಕ ಭಾರತದ ಇತಿಹಾಸವಾಗಿದೆ
060.978-93-81187-22-7 Front