ಅದೇ ವಿಶೇಷ ವರದಿ. ಶಬ್ದಶಃ ಅದೇ ವರದಿ ಮೂರು ಬೇರೆ ಬೇರೆ ವರದಿಗಾರರ ಬೈ ಲೈನ್ ಗಳಲ್ಲಿ. ಅದೂ ಮೂರು ಪ್ರತಿಸ್ಪರ್ಧಿ ಪತ್ರಿಕೆಗಳಲ್ಲಿ. ಅದು ಹೇಗೆ ಸಾಧ್ಯ ? ಮಣಗಟ್ಟಲೆ ಜಾಹೀರಾತು ಸುದ್ದಿಯಾಗಿ ವೇಷ ಬದಲಿಸಿಕೊಂಡಿದೆ.  ’ಖರೀದಿಸಿದ ಸುದ್ದಿ’ ಪತ್ರಿಕೋದ್ಯಮದ ಸ್ಥಾಪಿತ ಅಂಗ ಆಗಿಬಿಟ್ಟಿದೆಯೆ ? ಅಂತ ಗುಡುಗಿದ್ದಾರೆ ಸಾಯಿನಾಥ. ಅದರ ಪರಿಣಾಮ ಆಗಲೇ ಕಾಣಲು ಆರಂಭವಾಗಿದೆ. ಸಂಪಾದಕರ ಗಿಲ್ಡ್ ಇದನ್ನು ಗಂಭೀರವಾಗಿ ಚರ್ಚಿಸಿದೆ. ಸಾಯಿನಾಥರ ಈ ಮಹತ್ವದ ಲೇಖನದ ಅನುವಾದ

– ಪಿ.ಸಾಯಿನಾಥ (ಕನ್ನಡಕ್ಕೆ : ವಿಶ್ವ ಕುಂದಾಪುರ)

(ಕ್ರಪೆ : ದಿ ಹಿಂದು)

`ಯುವ ಕ್ರಿಯಾಶೀಲ ನಾಯಕತ್ವ- ಅಶೋಕರಾವ್ ಚವಾಣ್’ ಇದು ಮರಾಠಿ ದೈನಿಕ `ಲೋಕಮತ’ದ ಅಕ್ಟೋಬರ್ 10, 2009 ರ ಸಂಚಿಕೆಯಲ್ಲಿ ಪ್ರಕಟವಾದ ಪ್ರಮುಖ ಸುದ್ದಿಯೊಂದರ ಶೀರ್ಷಿಕೆ.  ಮಹಾರಾಷ್ಟ್ರ ವಿಧಾನಸಭೆಗೆ ಆ ತಿಂಗಳು ನಡೆದ ಚುನಾವಣೆಗೆ ಕೇವಲ 72 ಗಂಟೆಗಳ ಮುಂಚೆ ಇದು ಪ್ರಕಟವಾಯಿತು. ಪತ್ರಿಕೆಯ `ವಿಶೇಷ ವರದಿಗಾರ’ ಈ ಐಟಂ ಅನ್ನು ಫೈಲ್ ಮಾಡಿದ್ದಾರೆಂದು ನಮೂದಿಸಲಾಗಿತ್ತು. ಅಂದರೆ ಇದೊಂದು ಸುದ್ದಿ ಎಂದು ಸ್ಪಷ್ಟಪಡಿಸಿದಂತಾಯಿತು. ಇಂತಿಷ್ಟು ಜನರಿಗಾಗಿ ಇಂತಿಷ್ಟು ತಿಂಗಳಲ್ಲಿ ಇಂತಿಷ್ಟು ಸಾಧನೆ ಮಾಡಿದ ಮಹಾರಾಷ್ಟ್ರದ ಮುಖ್ಯಮಂತ್ರಿಯ ಮೇಲೆ ಅಭಿನಂದನೆಗಳ ಸುರಿಮಳೆಗರೆದಿತ್ತು ಆ ಸುದ್ದಿ. ಇನ್ನೊಂದು ಪ್ರಮುಖ ಮರಾಠಿ ಪ್ರತಿಸ್ಪರ್ಧಿ ಪತ್ರಿಕೆಯಾದ `ಮಹಾರಾಷ್ಟ್ರ ಟೈಮ್ಸ್’ ನಲ್ಲಿ ಕೂಡ ಅದೇ ದಿನ ಅದೇ ಸ್ಟೋರಿ ಅಕ್ಷರಶ: ಪದಶ: ಪ್ರಕಟವಾಯಿತು. ಅಬ್ಬಾ, ಎರಡು ಮಿದುಳುಗಳು -ಒಂದೇ ಆಲೋಚನೆ? ಎರಡು ಹೃದಯಗಳದು ಒಂದೇ ಬಡಿತ.

. . . .

ಹೆಚ್ಚಿನ ಮಾಹಿತಿಗಾಗಿ   ಸುದ್ದಿ ಮಾರಾಟಕ್ಕಿದೆ ಕೊಳ್ಳಿರೋ….!!! ಕ್ಲಿಕ್ಕಿಸಿ

Advertisements